“Kam zero kohë për të nisur një lidhje, të jem e sinqertë,”-është shprehur Jennifer Aniston në një intervistë me Tig Notaro për Harper’s Bazaar.

Orari i zënë i yllit të Hollywood duket e ka lënë aktoren beqare. Por kjo nuk do të thotë se Jennifer i ka mbyllur dyert e dashurisë.

Aktorja 50-vjeçare foli hapur për jetën e saj personale në intervistën për revistën e famshme Harper’s Bazaar.

“Fokusi ka qenë The Morning Show, kështu që takimet e lidhjet nuk ishin prioritetet e mia të para,”-tha ajo. “Ndjej se romanca shfaqet vetë, nuk duhet ta kërkosh.”

Fakti që Jennifer nuk është në një lidhje nuk do të thotë se aktorja nuk është e hapur për të ndarë sërish jetën me dikë.

“Kur dashuria të vijë, do e mirëpres,”-shtoi ajo. “Nuk jam e mendimit që: E kam mbyllur këtë kapitull dhe nuk do e hap përsëri.”

Ndërsa karakteristikat që kërkon tek partneri janë ndjenja e humorit, vetëvlerësimi, besimi, mirësia, bujaria dhe rrethimi nga njerëz të mirë.

Aniston ishte martuar me aktorin Justin Theroux për dy vjet e gjysmë por u ndanë në shkurt 2018.

Ajo gjithashtu ka qenë e martuar me Brad Pitt nga viti 2000 deri më 2005.