Kid Rock vizitoi Shtëpinë e Bardhë me një veshje interesante, e cila shkaktoi komente të shumta në rrjetet sociale.

Muzikanti, i njohur për këngën hit “All Summer Long”, vizitoi Shtëpinë e Bardhë të hënën ndërsa Presidenti Trump nënshkroi  disa urdhra ekzekutivë.

Trump e ftoi atë në Zyrën Ovale.

Për këtë rast, Kid Rock u shfaq me një veshje patriotike, një xhaketë të kuqe dhe me flamurin amerikan në të.

Ndërkohë që veshja e tij u përfol shumë, interesim edhe më i madh shkaktoi se si Trump i drejtohej vazhdimisht si “Bob” gjatë vizitës.

Edhe pse ai njihet për publikun me emrin e tij artistik Kid Rock, ata që janë afër tij (dhe ndoshta fansat e tij më të zjarrtë) e dinë se emri i tij i vërtetë është Robert James Ritchie – dhe “Bob” është një pseudonim i zakonshëm për Robertin.