Në fillim të qershorit, Cllevio u arrestua një ditë pas sherrit me Noizyn, pas mos respektimit të masës së sigurisë arrest shtëpiak.

Nga ai moment, fansat kanë bërë postime të panumërta në përkrahje me kërkesën e vetme – lirimin e tij nga burgu.

E kjo kërkesë duket se do plotësohet, hiç më larg se në mesnatë.

Lajmin e kanë bërë të ditur miq të tij, mes tyre opinionisti Arjan Konomi.

Ai ka treguar se pas mesnate, në ora 02:30, ai dhe Cllevio do lidhen LIVE në profilet e tyre në Instagram.

“Përshëndetje miq, kam një lajm shumë të gëzuar për mua e po besoj edhe shumicën tuaj. Cllevio sot në mbrëmje vonë do të jetë në shtëpinë e tij. Ne do të jemi live rreth orës dy e gjysmë të natës në Instagram me Cllevion”, tha opinionisti Arjan Konomi në Instastory.

Mbetet të shihet rrjedha e ngjarjeve pas lirimit.