Një moment i papritur, por i dëshiruar nga shumë fansa, ndodhi gjatë spektaklit të së martës të “Big Brother VIP Albania 3”, ku astrologia e njohur Meri Shehu realizoi një premtim të veçantë.

Pasi u shpall se ajo ishte një nga personat e shpëtuar nga eliminimi, duke vijuar kështu garën e saj në shtëpinë e BBV Albania, Meri mori masa për të mbajtur fjalën e saj.

E emocionuar dhe me buzëqeshjen në fytyrë, Meri Shehu u afrua tek Meritoni dhe i dhuroi një puthje, përmbushur kështu premtimin e saj për të dhënë puthje për Meritonin dhe për të kaluar kohë në dush me njërin prej banorëve nëse do t’i shmangej daljes nga shtëpia.

Ky veprim e befasoi edhe vetë Meritonin dhe të pranishmit në studio, si dhe sigurisht shikuesit që ndoqën ngjarjen live.

Momenti u kthye menjëherë në një nga pikat kryesore të diskutimeve në rrjetet sociale, ku njerëzit shprehën mendimet dhe reagimet e tyre ndaj gjestit të Meri Shehut.

Disa e panë si një veprim të guximshëm dhe të sinqertë, ndërsa të tjerët e interpretuan si një moment të krijuar për të shtuar dramë dhe interes në spektakël.