Reperi i ri “Nonejm” ka bërë një paraqitje unike të dielën mbrëma në festivalin “The Park Festival” që u zhvillua gjatë fundjavës në Gostivar të Maqedonisë së Veriut.

“Nonejm” në skenë është ngjitur pasi u ftua dhe u suportua nga reperi i njohur MC Kresha, i cili ishte në nisje të përformancës së tij bashkë me Lyrical Son, në këtë festival.

Ky moment e ka befasuar për të mirë edhe vetë reperin e ri kosovar, që reagoi edhe në TikTok.

@nonejmofficial GOSTIVAR! The Park Festival #gostivar #mckresha #nonejm #lyricalson #keepman #hiphop ♬ original sound – nonejmofficial

“Kur reperi qe je rrit me to ta bon hec n’skene me mu. Shumë dashur për Mc Kreshen”, ka shkruar Nonejm në llogarinë e tij.

Nonejm në “The Park Festival” u paraqit me bashkëpunimin e tij me reperin Keepman, “Gjurmt”.

Ndryshe, reperi Nonejm, edhe pse i ri në skenën muzikore, po vazhdon të marrë vëmendje për stilin dhe rupturat e tij unike.

Së fundi ai ka lansuar remixin e këngës së tij “Grindin”, i cili është kompletuar edhe me video klip.