Organizatorët e koncertit të Unikkatil në Mitrovicë, kanë pranuar se organizimi i tyre ka dështuar për sa i përket numrit të pjesëmarrësve në koncertin e reperit të njohur.
Një nga organizatorët e koncertit të Unikkatil në stadiumin e Mitrovicës, në një prononcim për një portal, ka pranuar se si organizues të kësaj mbrëmje kanë pritur që të kenë më shumë pjesëmarrës në koncert.
Kjo pasi, mbrëmë në stadiumin “Adem Jashari” në Mitrovicë, sipas të dhënave kanë qenë vetëm rreth 2500 persona të pranishëm në koncert e reperit shqiptar që banon në SHBA.
Megjithatë, duke pranuar dështimin, organizatorët e koncertit, mundohet ta përgënjeshtrojë këtë shifër.
“Gënjeshtra janë ato se nuk ka pasur njerëz. Numri ka qenë shumë më i lartë. Normalisht kemi pritur më shumë por mirë ka qenë.”, citohet të ketë thënë një nga organizatorët për Indeksonline.
Përveç Unikkatilit, në këtë koncert të vogël për nga numri i pjesëmarrësve kanë performuar edhe Shkurte Fejza, Mozzik, Loredana, Getinjo etj. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.