Arbër Gumnishta është 29-vjeçari nga Vushtrria i cili ka dy muaj që ka nisur aventurën e tij në Big Brother VIP Albania.

Ani pse fillimisht ai ishte në dyshe me Dj PM, kur dyshja u eleminuan nga loja u hap sërish një televotim, kur Dj Dagz doli i preferuar nga publiku, për t’u kthyer sërish në shtëpinë më të famshme në Shqipëri për të vazhduar lojën e tij, shkruan Gazeta Online Reporteri.net.

Arbëri, i njohur ndryshe si Dj Dagz është padyshim njëri nga banorët më të pëlqyer brenda shtëpisë, por edhe nga publiku, ndjekës i këtij formati.

Edukata, kultura dhe sjellja e tij me banorët, janë karakteristikat që e kanë bërë që ai të jetë më i veçantë se pjesa tjetër e VIP-ave të shtëpisë.

Duke qenë se nuk kanë mbetur edhe shumë javë deri në përfundim të këtij spektakli, e publiku gjithmonë është i fokusuar tek personat që debatojnë fort në atë shtëpi, një pjesë tjetër e publikut jo gjithmonë do zhurmën e debatet.

Pjesa më e madhe e tyre preferojnë qetësinë dhe maturinë që e karakterin Dj Dagz-in brenda shtëpisë, duke bërë që kjo të mos e përjashtojë që ai të jetë një nga finalistët e këtij edicioni të parë VIP të Big Brother Albania./Reporteri.net/