“Rita Ora nuk i lë vend imagjinatës me bikinit e zeza gjatë një shëtitje me jaht në Ibiza”.

Ky është titulli që “Daily Mail” ka vendosur për artikullin dedikuar këngëtares së famshme me origjinë shqiptare dhe ka publikuar disa foto të saj.

Rita ka pozuar me një palë bikini në ngjyrë të zezë që na duhet të themi se janë disi të vogla për të, përderisa gjoksi dhe të pasmet i duken sheshit.

Pasi ka lexuar këto fjalë për të bijën, nëna e Ritës, Vera Ora, ka vendosur që të reagojë nëpërmjet një postimi në “Instastory”.

Ajo i kërkon këngëtares që herën tjetër të dalin bashkë për shopping, në mënyrë që të sigurohet se ka marrë numrin e duhur të rrobave të banjës.

“Rita Ora dukesh për mrekulli, vetëm të lutem më lejo të vij me ty për të blerë rroba banjo herën tjetër, që të sigurohem se po merr masën e duhur”, ka shkruar sigurisht me shaka Vera.