Reperi me prejardhje shqiptare, Sin Boy ka rënë pre e një sulmi fizik nga persona të maskuar, ndërsa ishte në një transmetim ‘live’ në rrjetin social TikTok.

Incidenti ka ndodhur brenda një salloni flokësh në Athinë, qytet ku reperi aktualisht jeton.

Në videon që ka qarkulluar në internet, shihen të paktën dy burra të veshur në të zeza dhe me maska në fytyrë që futen në sallon dhe e sulmojnë papritur Sin Boy-n.

Ata fillojnë ta grushtojnë dhe ta godasin me stol, çka bën që Sin Boy të rrëzohet në dysheme në përpjekje për të mbrojtur veten.

 

View this post on Instagram

 

A post shared by Greek Trap Lyrics (@greeklyrics_0fficial)

Megjithatë,  në internet po spekulohet mbi autenticitetin e sulmit, duke sugjeruar se videoja mund të jetë e inskenuar nga vetë reperi për të tërhequr vëmendje dhe për të rritur famën e tij.

Pamjet janë publikuar edhe në mediat e Greqisë.