Ndaj një lajmi të rremë të shpërndarë në facebook, për mjekun Flamur Marku, ka reaguar sopranoja e njohur kosovare Arta Jashari.

Ajo thotë se nuk e ka njohur personalisht pulmologun nga Gjakova, deri kur sipas saj Marku i shpëtoi jetën e babit të saj të prekur me Coronavirus, shkruan Reporteri.net. Madje, shton se i shpëtoi edhe jetën e saj.

“Ky është Doktor Flamur Marku, Pulmologu qe e kam përmend vazhdimisht ne Media i cili e ka mjekuar dhe shpëtuar babin tim . Nuk e di se me çfarë informatash e me çka merreni a kush jeni , unë vetëm e di se ky person e ka shpëtuar babin tim”, ka shkruar ajo.

https://www.facebook.com/permalink.php?story_fbid=728279987729022&id=100016410823455&__cft__%5B0%5D=AZUy4gV3gRcrdwmrZtOrpPYONAsdkVvoKrGuXRNyJOf0rMc4eVRNCExSRgaUGQNJosoJ6qlOzBgo-0QGyso87wWyKfNkhguDTeFPQS42La7SFOCh8llBRJ0cUZtUTCoEwHQaSdwCB4fIEqkobI7Rs6EW&__tn__=%2CO%2CP-R

“Kurrë s’e kemi takuar me pare, kurrefar njoftesie s’kemi pas , thjesht ka qene tejet profesional dhe i kemi borxh tan jeten . 24 ore ne sherbim , kurre asnje minut te vetem nuk m’i ka vonuar keshillat dhe e ka monitoruar detajisht gjendjen e babit ; Tashme edhe timen. Turp!”, shton sopranoja e njohur.

Ndryshe, Mjeku Flamur Marku është kanosur të dielën përmes një faqe në facebook e cila ka shpërndarë një informacion të rreme në lidhje me punën e tij dhe angazhimin e pulmologut Marku në ndihmë të pacienteve të prekur me COVID-19 që trajtohen në QKUK dhe në Spitalin e Gjakovës.

Për rastin është njoftuar edhe Policia e Kosovës, shkruan Reporteri.net.

E gjitha ndodhi vetëm pak ditë pasi u mirëprit angazhimi vullnetar i mjekut Flamur Marku në Spitalin e Gjakovës, për të ndihmuar bashkëvendësit e tij në përballjën me pandeminë COVID-19. /Reporteri.net/.