Liam Neeson duket se është gati të mbyllë perden e epokës së tij të filmave aksion-hero.

Aktori 72-vjeçar irlandez, i cili e filloi karrierën e tij në skenat e teatrit të Belfastit, ka konfirmuar planet për t’u larguar nga filmat aksion pasi shijoi një rigjallërim emocionues të karrierës në role si Taken, Star Wars dhe The Grey, raporton Daily Mail.

Ai se është koha për të hequr dorë për faktin se mosha më nuk ia mundëson të bëjë realizime të tilla.

“Nuk mund të mashtroni audiencën. Unë nuk dua që Mark [dyshi i tij i gjatë i marifeteve Mark Vanselow] të bëjë skenat e luftimeve për mua”.

Neeson la të kuptohet se largimi i tij mund të vijë në vitin 2025.

‘Ndoshta në fund të vitit të ardhshëm. Unë mendoj se kjo është ajo”, tha ai.

Filmi i tij i radhës, Absolution, që do të dalë në kinema më 1 nëntor, ka tematikë  një gangster të moshuar që përpiqet të rilidhet me fëmijët e tij dhe të shlyejë gabimet e së kaluarës.

Ai gjithashtu sapo ka përfunduar xhirimet e një rifillimi të komedisë klasike “The Naked Gun”.

Me prejardhje nga Irlanda e Veriut, Liam filloi udhëtimin e tij filmik me filmin e vitit 1978 Pilgrim’s Progress.

Përparimi i tij erdhi me Listën e Shindlerit, ku performanca e tij e fuqishme i dha atij një nominim për çmimin Oscar për aktorin më të mirë në moshën 41-vjeçare. /Reporteri.net/