Këngëtarja e muzikës pop, Dua Lipa shkroi në Twitter të shtunën për të denoncuar me zemërim një reklamë me faqe të plota në New York Times që e akuzonte atë si antisemitiste, [armiqësore/paragjykuese ndaj hebrenjve].
Artikulli i The New York Times i referohet Lipa dhe modeleve Bella dhe Gigi Hadid si “mega-ndikues” të cilat kanë “fyer shtetin hebre” dhe “kanë akuzuar Izraelin për spastrim etnik”, transmeton lajmi.net.
Shpallja pasqyron atë qëThe New York Times tha në faqen e tij të internetit, duke akuzuar Lipa dhe motrat Hadid për formimin e një “trini të pa shenjtë antisemitiste për të demonizuar popullin hebre, të cilin ata këmbëngulin se nuk kanë të drejtë të mbrojnë vetveten”.
Përfshihet një foto e të tre grave që modelojnë pamje në tapetin e kuq, me titullin: “Njihuni me brigadat e reja ndikuese të Hamasit”.
Lipa, e cila është shoqërohet me Anwar Hadid, vëllain e vogël të Bella dhe Gigi, hapi zjarr në Twitter:
“Rrjeti i Vlerave Botërore po përdorin paturpësisht emrin tim për të çuar përpara fushatën e tyre të shëmtuar me gënjeshtra … Unë qëndroj në solidaritet me të gjithë njerëzit e shtypur dhe e hedh poshtë të gjitha format e racizmit “.
— DUA LIPA (@DUALIPA) May 22, 2021
Ndërkohë, motrat Hadid janë shprehur hapur në mbështetjen e tyre për Palestinën, atdheun e babait të tyre dhe në kritikat e tyre ndaj Izraelit gjatë ofensivës së Izraelit në Gaza.
Lipa, një vendase nga Londra me trashëgimi myslimane, ka qenë shumë më e heshtur, duke ndarë në Twitter mbështetjen për ruajtjen e lagjes Palestineze Sheikh Jarrah në Jeruzalem.
Të tjerë të famshëm kanë shkruar në Twitter për të treguar mbështetje për Palestinën, përfshirë këngëtarët Roger Waters, Zayn, The Weeknd dhe ylli i Avengers, Mark Ruffalo.
Të premten, një armëpushim i ndërmjetësuar nga Egjipti midis grupeve të rezistencës Palestineze dhe Izraelit hyri në fuqi, duke i dhënë fund luftimeve 11 ditore.
Të paktën 279 palestinezë janë vrarë, duke përfshirë 69 fëmijë dhe 40 gra, dhe 1,910 të tjerë janë plagosur në sulmet izraelite në Rripin e Gazës, sipas Ministrisë Palestineze të Shëndetësisë.
Dymbëdhjetë izraelitë gjithashtu janë vrarë nga raketat palestineze nga Rripi i Gazës.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
