Aktori i njohur John Aylward ka vdekur në moshën 75-vjeçare. Aktori ndërroi jetë të hënën në shtëpinë e tij në Seattle, raportojnë mediat e huaja. Gruaja e tij, Mary Fields tha për Deadline se aktori kishte pasur probleme me shëndetin kohët e fundit.

“Jam i shokuar. Ai ishte një aktor i mrekullueshëm dhe një qenie njerëzore fenomenale”, tha përfaqësuesi i tij, Mitchell K. Stubbs në një deklaratë për mediat. “Ai ishte një klient ëndrrash, një mik dhe një person ëndrrash.“, shtoi ai.

I lindur dhe i rritur në Seattle, Aylward u shfaq në dhjetëra seri televizive gjatë karrierës së tij prej më shumë se katër dekadash, por mbahet mend më së miri për rolin e tij si Dr. Donald Anspaugh në ER. Aylward iu bashkua serialit në sezonin e tretë në rolin shumë të përsëritur.

Ai u shfaq gjithashtu në shfaqje televizive si Alias, Cold Case, Boston Legal, Without a Trace, Nip/Tuck, The Practice, Everwood, The X-Files, Dharma & Greg, 3rd Rock from the Sun, Northern Exposure, The Mentalist, American Horror Story, Yellowstone dhe së fundmi Briarpatch./abcnews.al