Babai i Rihannës, Ronald Fenty, raportohet se ka vdekur në moshën 70 vjeç.

Fenty raportohet se vdiq të shtunën në mëngjes në Los Angeles. Lajmi për ndarjen nga jeta të Fenty u nda për herë të parë nga Starcom Network News, një stacion radioje lokal në Barbados, transmeton The Independent.

Shkaku i vdekjes nuk u bë menjëherë i ditur, megjithëse Starcom raportoi se ai vdiq pas një “sëmundje të shkurtër”.

Këngëtarja e “Umbrella” nuk ka komentuar ende publikisht për vdekjen e babait të saj.