Ka vdekur një nga rapsodët më të njohur nga Kosova, Qazim Batllava.

Lajmin e ka bërë të ditur Sabit Zeneli përmes një postimi në Facebook.

“Lamtumirë Qazim Batllava. Ishte ndër rapsodet veteran më ne za të trevës se Llapit dhe jo vetëm. U shqua jo vetëm si shahir por edhe si burrë odash me një fjalor të veçant e me humor”.

“Mbaj mend si e hijeshonte konakun tonë s’bashku me bacen tonë Idrizin e vëllain e ti Enverin poashtu ikonë e folklorit. Ishte dhe mbledhës i përkushtuar i fjalëve të urta e anegdotave të cilat i botoi ne libra. Të qoftë i lehtë dheu baca Qazim e kënga jote do te mbetet në ne përgjthmonë…”, shkroi ai.