Reperi i njohur shqiptar, Xhonatan Isufi i njohur për publikon si Don Xhoni, feston sot ditëlindjen.

I lindur më 8 prill të vitit 2000, artisti nga Drenica ditën e sotme (e premte) kremton ditëlindjen e 22-të.

Ndërkohë që ka shpërndarë disa fotografi në rrjete sociale, ai tregon se ka blerë një vilë të re.“Dhuratë vetes për ditëlindje. Vilë në pandemi”, ka thënë në përshkrim të një fotografie të shpërndarë në InstaStory.

Ai madje ka publikuar edhe marrëveshjen duke shtuar: “Elhamdulilah vetëm Zotit të madh edhe krejt juve për krejt dashurinë e mbështetjen prej ditës së parë”.

“Vazhdojmë 2022 me super-surpriza që janë duke ardhur në këtë vit”, ka thënë tutje ai.

Don Xhoni përndryshe bëri debutimin në skenë në vitin 2020 gjatë pandemisë, teksa ka korrë suksese të mëdha me hite të shumta.