Aktorja dhe këngëtarja meksikane u qëllua për vdekje ndërkohë që priste të merrte nga stërvitja e futbollit djalin e saj 11-vjeçar në rajonin Morelos.

Tania Mendoza ishte jashtë objektit sportiv në qytetin Cuernavaca së bashku me prindër të tjerë në momentin që u afruan dy burra të armatosur me motoçikletë.

Njëri prej tyre qëlloi disa herë para se të largohej me bashkëpuntorin e tij, shkruan BBC.

Mendoza, 42 vjeç, u bë e famshme në vitin 2005 pas rolit kryesor në filmin “La Mera Reyna del Sur”. Ajo ishte shfaqur edhe në një sërë telenovelash, por vitet e fundit iu përkushtua karrierës së saj si këngëtare dhe regjistroi pesë albume.

Në vitin 2010, ajo ishte rrëmbyer bashkë me burrin dhe të birin, që ishte vetëm 6-muajsh. Që nga ajo kohë, Mendoza kishte raportuar tek autoritetet disa kërcënime me vdekje.

Ende nuk është e qartë se kush qëndron prapa vrasjes së saj dhe cili është motivi. Pas të shtënave, policia kreu një operacion kërkimi për të dyshuarit, por nuk u arrestua asnjë person.

Meksika për një kohë të gjatë përballet me nivel të lartë të krimit, kryesisht të lidhur me bandat e drogës dhe vrasjet e grave. Sipas të dhënave zyrtare, në Meksikë vitin e kaluar janë vrarë mesatarisht nga 10 gra në ditë.

Ende nuk është e qartë se kush qëndron prapa vrasjes së saj dhe cili mund të jetë motivi. Pas të shtënave, policia kreu një operacion kërkimi për të dyshuarit, por nuk u arrestua asnjë person.