Reperi i njohur, MC Kresha, dhe bashkëshortja e tij, Erzina Shehu, janë në pritje të fëmijës së tyre të parë.

Është bërë e ditur se çifti i kurorëzuar në dhjetor të vitit të kaluar, do të mirëpresin në jetën e tyre një vajzë.

Teksa presin momentin e ëmbël, dyshja duket se kanë vendosur edhe se si do ta pagëzojnë vajzën e tyre.

Ka qenë babai i Erzinës, ai i cili në disa fotografi të ndara me ndjekësit e tij në rrjetin social Instagram, i është referuar bebes në ardhje me emrin Iza.

“Ne mezi presim që Iza të vijë në këtë botë”, ka shkruar ai në një prej postimeve të tij, duke bërë të ditur se kështu kanë vendosur ta quajnë mbesën.

Erzina përndryshe ka vendosur që fëmijën e saj ta lindë në vendlindje, përkatësisht në Kanada.