Departamenti Amerikan i Shtetit publikoi këtë të mërkurë raportin mbi të drejtat e njeriut në botë. Sa u përket të drejtave të njeriut në Shqipëri, DASH vlerëson se korrupsioni është i përhapur në të gjitha degët e qeverisjes. Problem mbetet gjithashtu pandëshkueshmëria.

Ndjekja penale dhe sidomos dënimi i zyrtarëve që kanë kryer abuzime ka qenë sporadik dhe jo i vazhdueshëm.

Sipas DASH, zyrtarët, politikanët, gjyqtarët dhe personat me interesa të fuqishme biznesi shpesh kanë arritur të shmangnin ndjekjen penale.

Në përgjigje të kësaj, vijon raporti, autoritetet kanë ndërmarrë një Vetting të monitoruar ndërkombëtarisht të gjyqtarëve dhe prokurorëve dhe kanë skualifikuar një numër të konsiderueshëm zyrtarësh për pasuri të pashpjegueshme ose lidhje me krimin e organizuar.

Teksa qeveria po heton abuzimet, korrupsioni brenda policisë mbetet një problem. Më shumë se 3800 ankesa janë regjistruar për korrupsion në polici, ndërsa mbi 6400 denoncime janë bërë për të njëjtën çështje në vitin 2017, thuhet në raportin e Departamentit Amerikan, që nënvizon se shumica e këtyre ankesave përfshijnë abuzimin me detyrën dhe shkeljen e standardeve të operative, trasnmeton TvKlan.

DASH vlerëson se ligji në Shqipëri parashikon ndëshkimin e zyrtarëve publikë, por qeveria nuk e zbaton ligjin në mënyrë të efektshme, dhe zyrtarët shpeshherë zgjedhin praktikat e korruptuara pa u ndëshkuar. Korrupsioni ishte i përhapur në të gjitha degët e qeverisë.

Kushtetuta kërkon që gjykatësit dhe prokurorët të nënshtrohen kontrollit për pasurinë e pashpjeguar, lidhjet me krimin e organizuar dhe aftësitë profesionale.

Një numër agjencish qeveritare hetonin ryshfetin, por burimet e kufizuara, rrjedhjet hetimore dhe një sistem ri-sistemimi rastësishëm penguan hetimet.

ë raste selektive që përfshijnë aktorë ndërkombëtarë, agjencitë antikorrupsion bashkëpunuan me shoqërinë civile.

Korrupsioni: Nga Janari deri në qershor, zyra e Prokurorit të Përgjithshëm ka regjistruar 83 hetime të reja korrupsioni.

jatë të njëjtës periudhë, 29 individë u dënuan me akuza për ryshfet dhe gjykime kundër 28 personave shtesë. /Reporteri.net/.