Fëmija u zhduk për 40 minuta, prindërit në Velipojë në panik

Një fëmijë që po lahej në plazhin e Velipojës ka rrezikuar të mbytet. I mituri është futur në ujërat e detit Adriatik dhe pas më shumë se 40 minutash nuk ka dalë prej aty.


Kjo ka bërë që prindërit e tij, të cilët ndodheshin në çadër, të alarmoheshin për fëmijën. Policia Kufitare e Shkodrës ka gjetur të miturin me gomardaren e cila e kishte çuar shumë larg bregut të detit dhe i mituri rrezikonte të mbytej.

Reklamë

Autoritetet e kanë sjellë fëmijën shëndoshë e mirë pranë prindërve të tij në breg.