Flet Vjollca Arapi: I drejtohem nënës së Jurgenit, nuk kam gisht në vrasjen e tij

Vjollca Arapi, bashkëshortja e Agim Arapit i cili u vra në vitin 2016 dhe ku dyshohej se pas kësaj ngjarje ishte Jurgen Kurti, menaxheri i Vip-ave i ekzekutuar mbrëmjen e djeshëm ka dëshmuar sot në Polici.

Sipas News24, Vjollca Arapi ka deklaruar se ajo dhe familja e saj nuk kanë lidhje me vrasjen e Jurgen Kurtit.

Ajo ka sqaruar se ka kërkuar burgim për Kurtin, që ndaj tij të veprojë drejtësia dhe jo që të vritej.

“E dëgjova në media për vrasjen e tij dhe më erdhi shumë keq. Keqardhje për nënën e tij që i iku në moshë të re djali. I drejtohem nënës së tij, nuk kam lidhje me vrasjen e djalit.

Kam kërkuar burgim për Jurgen Kurtin që të veprojë drejtësia, jo të vritet. Nuk kam lidhje me vrasjen e Jurgen Kurtit. Tre fëmijë e mijë janë jashtë vendit, jetojnë në Itali. Drejtësia për bashkëshortin tim u ble me para”, ka thënë ajo. /Reporteri.net/.