Një 16-vjeçar shqiptar humbi jetën pasi pësoi arrest kardiak në Roseto degli Abruzzi, në Teramo të Italisë. Matteo, i lindur në Itali nga prindër shqiptarë, u shua në gjumë.
Ai u gjet i pajetë në shtrat mëngjesin e së enjtes nga nëna e tij.
Ambulanca nuk mundi të bënte asgjë për 16-vjeçarin. Sipas ekspertizës mjeko ligjore, Matteo vdiq nga arresti kardiak. Sipas mediave italiane, i riu nuk rezultonte të kishte probleme shëndetësore. Ai jetonte në një apartament në Viale America, me prindërit dhe motrën. Vdekja e tij e parakohshme dhe e papritur ka tronditur të gjithë qytezën ku jetonte. Sapo morën vesh lajmin, poshtë shtëpisë së tij shkuan miqtë e shokët e shkollës.
Matteo, i përshkruar nga të gjithë si një djalë i qeshur dhe plot jetë, studionte gjeometri dhe ishte në vitin e tretë në Istituto Statale Superiore Vincenzo Moretti.