Shkarkohet drejtori i Aviacionit Civil Krislen Keri.
Shkarkimi i tij vjen disa ditë pas grabitjes spektakolare të miliona eurove në aeroportin e Rinasit, direkt nga barku i avionit.
Keri u zgjodh në krye të Aviacionit Civil në nëntor të 2017-ës dhe u lakua jo pak mediatikisht, shkruan newsbomb.al.
Keri më herët ka punuar në kabinetin e ish-ministrit të Transporteve Edmond Haxhinasto, megjithëse krahas këtij pozicioni, mbajti edhe detyrën e shefit të projekteve në këtë ministri për tri vite.
Nuk dihet nëse me këtë shkarkim, do mbyllet përfundimisht karriera profesionale e Kerit apo mos ndoshta do e sistemojnë diku tjetër.
Kujtojmë se për grabitjen e Rinasit, nuk është hetuar ende asnjë zyrtar dhe e gjitha ka përfunduar me vrasjen e një prej grabitësve, Admir Murataj, ndërkohë që të tjerët janë në kërkim, bashkë me milionat e eurove.