Kush ishte Pjerin Xhuvani që u ekzekutua sot në mes të Elbasanit

Një vrasje ka tronditur mesditën e sotme Elbasanin, ndërsa ende shkaqet janë të paqarta.


Ai është Pjerin Xhuvani, një emër i njohur në qytetin e Elbasanit dhe në të gjithë Shqipërinë.

Ai ishte duke lëvizur në zonën e lagjes “5 Maji”, kur është qëlluar me breshëri dhe ka ngelur i vdekur në vend.

Por kush është Xhuvani?

Pjerin Xhuvani është ish-kryetar i LSI-së në Elbasan.

Sipas dosja.al, Pjerin Xhuvani është i njëjti person i cili u përfshi në sherrin mes mbështetësve të Partisë Demokratike dhe asaj Socialiste në Elbasan ditën e verës. Xhuvani ka qenë disa vite më parë drejtues i Lëvizjes Socialiste për Integrim, ndërsa tashmë në vitet e fundit ishte angazhuar pranë Partisë Socialiste.

Xhuvani ka qenë ish- drejtor në Drejtorinë Rajonale të Fondit të Sigurimit të detyrueshëm të Kujdesit Shëndetësor Tiranë, dhe është prangosur 6 vite më parë pasi akuzohej se i shkaktoi dëm rreth 56 milionë lekë të reja shtetit.

Më 14 mars ai ishte pjesë e turmës që goditi mbështetësit e PD të cilët thërritën Rama ik gjatë parakalimit të kryeministrit Edi Rama.