×
  • Lajme
  • Shqipëria

    Maqedonasi me rrezikshmëri të lartë arrestohet në Qafë Thanë

    Reporteri
    27 Shtator 2020 | 15:09

    Policia Kufitare në bashkëpunim me Interpol Tiranën arrestoi një shtetas maqedonas me rrezikshmëri të lartë shoqërore, i shpallur në kërkim ndërkombëtar nga autoritetet gjyqësore kroate.


    Pas verifikimeve në pikën kufitare të Qafë Thanës u bë i mundur ndalimi me qëllim ekstradimi i 35-vjeçarit Toni Jashari nga Gostivari, i dënuar për “Grup i strukturuar kriminal” dhe “Prodhim dhe shitje narkotikësh”.

    Autoritetet gjyqësore kroate e kanë dënuar në 2015 këtë shtetas me 10 vjet burg për veprat penale, i cili në vitin 2018, është larguar nga vendi i vuajtjes së dënimit.

    Materialet në ngarkim të tij iu referuan Prokurorisë së Rrethit Gjyqësor Pogradec për veprime të mëtejshme.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!