Një 33-vjeçar u plagos me armë zjarri këtë të premte në Fier. Ngjarja ndodhi rreth orës 14:00, në fshatin Sulaj.
Burime zyrtare të policisë thonë se 33-vjeçari me iniciale P. P., u plagos nga një 44-vjeçar me iniciale R. M., në rrethana e motive ende të paqarta. I riu është dërguar spitalin e Fierit dhe ndodhet nën kujdesin e mjekëve.
Ndërkohë, forca të shumta policie janë vënë në kërkim të autorit të dyshuar të kësaj ngjarjeje, ndërsa grupi hetimor vijon punën për zbardhjen e rrethanave dhe motivit të saj.