Po kalonte pushimet në Shqipëri, mbytet duke u larë në det pushuesi nga Polonia

Një pushues polak është mbytur në detin e Durrësit pasditen e sotme, ka njoftuar policia.


Sipas informacionit të policisë ngjarja ka ndodhur pasditen e sotme (10 shtator) ku dyshohet se shtetasi polak me inicialet J. B., 68 vjeç kishte hyrë për t’u larë dhe është mbytur tragjikisht.

Grupi hetimor ndodhet në vendngjarje dhe po punon për zbardhjen e rrethanave të ngjarjes.