Pak orë para protestës, kryeministri Edi Rama iu ka përcjellë një mesazh të tërthortë drejtuesve të opozitës.

Rama iu drejtohet opozitarëve me fjalët e Migjenit, duke iu thënë se çdo vikamë fillon e mbaron me heshtje dhe pastaj fillon puna.

“Në varrimin e idhujve të vjetër kumbonat kanë për të plasë së ramit, minaret kanë për të thye kurrizin së faluni dhe zhrecvet do t’u këputen telat e fytit së kënduari. Dhe do të vijë heshtja. Se çdo vikamë fillon e mbaron me heshtje. Mbasandaj do të fillojë puna. “Idhuj pa krena” – Migjeni”, shkruan Rama.

Ky mesazhi i Ramës vjen pak orë para protestës së nëntë kombëtare të opozitës, e cila do të zhvillohet në orën 20:00 para Kryeministrisë dhe Parlmanetit.

Ndërkohë, kujtojmë që ditët e fundit vendi është përfshirë nga tensione dhe përplasje në KZAZ-të e disa bashkive në vend, pasi mbështetësit e opozitës nuk lejojnë zhvillimin e procesit zgjedhor, referuar dekretit të Presidentit Ilir Meta për të anuluar ditën e zgjedhjeve.