Kryeministri Edi Rama ka përsëritur edhe njëherë thirrje drejtuar naftëtarëve të uzinës së përpunimit të naftës në Ballsh që të ndërpresin grevë në mënyrë që të dialogojnë.
Kreu i qeverisë shtoi se negociata me presione nuk ka dhe shtoi se është i gatshëm të shkojë menjëherë te naftëtarët sapo të marrin këtë vendim.
“Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë”, shkruan Rama.
Naftëtarët e Ballshit prej ditësh kanë ndërmarrë formën më ekstreme të protestës, atë të grevës së urisë për rrogat e prapambetura që shkojnë deri në 20 muaj.