Shqiptarët në Ukrainë përkujtojnë Skendërbeun

Ditën e lindjes së heroit kombëtar Gjergj Kastrioti – Skenderbeu, e ka shënuar edhe komuniteti shqiptar në Karakurt të Ukrainës.


Në këto manifestime ka marrë pjesë edhe ministri shqiptar i Diasporës, Pandeli Majko, i cili po qëndron për vizitë në Ukrainë, shkruan Reporteri.net.

E në këtë datë kombëtare, ministri Majko iu ka shpërndarë dhurata me simbole shqiptare komunitetit shqiptar në Ukrainë.

“Sot me pjesëtarët e komunitetit shqiptar në Karakurt, Ukrainë, në ditën e Shën Gjergjit, gjatë të cilës komuniteti nderon figurën e heroit kombëtar Gjergj Kastriot Skënderbeut. Ministri i Shtetit për Diasporën i dhuroi komunitetit, abetare, libra për fëmijë në gjuhën shqipe si dhe kostume tradicionale në shenjë falënderimi për ruajtjen e shkëlqyer që i kanë bërë identitetit dhe kulturës shqiptare, por edhe vazhdimësinë e tyre”, njofton Ministria e Shtetit për Diasporën. /Reporteri.net/.