Tre pacientë lirohen nga spitali, gjithsej 17 të shëruar nga koronavirusi

Tre pacientë kanë lënë sot Urgjencën e Infektivit, pasi janë shëruar nga COVID 19 dhe rezultatet e tyre kanë dalë negative.


Siç shikoni në pamjet në video ata janë marrë me autoambulanca për tu dërguar në banesat e tyre dhe ku do të qëndrojnë edhe 14 ditë të tjera në izolim.

Që prej shpërthimit të epidemisë në vendin tonë janë plot 17 pacientë të shëruar, ndërkohë numri i të infektuarve ka shkuar në 146.

Fatkeqësisht deri tani kanë humbur jetën 5 persona.