Milot Rashica me shumë gjasë do të vazhdojë të jetë futbollist i Werder Bremenit edhe pas këtij afati kalimtar

Drejtori sportiv i Werderit, Frank Baumann si dhe trajneri i klubit, Florian Kohfeldt janë deklaruar rreth të ardhmes së yllit kosovar, shkruan Reporteri.net

“Rashica është shumë, shumë i rëndësishëm për ne. Nëse marrim ofertë interesante për të dhe parametrat përshtaten, atëherë do të dëgjojmë. Nëse nuk ndodh kështu, apo ndonjë klub na troket në derë më vonesë, atëherë ai qëndron me ne”, ka thënë Frank Baumann.

Ndërkaq, trajneri i Werderit ka bërë të ditur se Miloti me shumë gjasë do të vazhdojë të jetë nën urdhërat e tij.

“Më shumë mundësi Miloti do të mbetet në Werder edhe pas të hënës dhe ndaj Schalkes do të jetë opsion për mua”, tha Kohfeldt.

Ndryshe, për Rashicën ka pasur shumë interesime nga klube të ndryshme gjatë verës, por ëerderi nuk pranoi ta shiste nën shumën që ia kishte caktuar. /Reporteri.net/