Akil Gjakova i siguron medalje evropiane Kosovës

Akil Gjakova ka kaluar në finale në Kampionatin Evropian të xhudos që po mbahet në Lisbonë të Portugalisë.


Kështu, ai i ka siguruar tashmë medalje Kosovës.

Në finale ai do të kërkojë tani të artën.

Akili e mundi me “ippon” në gjysmëfinale zviceranin, Nils Stump.

Akili rrethin e parë e kaloi pa luftë, derisa me “ippon” e mundi në atë të dytë izraelitin, Ido Levin, duke e përplasur përtokë.

Ai arriti që ta mund me ippon edhe në rrethin e tretë gjermanin, Anthony Zingg.

Ishte dita e Akilit pasi e mundi në çerekfinale edhe rusin, Musa Mogushkovin, ky i fundit bëri tri gabime.