Jose Mourinho ka realizuar një fotografi me Igor Aleksandrovic, i cili e emocionoi portugezin dje gjatë konferencës për shtyp para ndeshjes me Shkëndijen e Tetovës

Aleksandrovic gjatë konferencës së djeshme i ka thënë Mourinhos se babai i tij, i cili nuk jeton më ishte një fans i flaktë i ‘Special One’, shkruan Reporteri.net

“Përshëndetje trajner, kjo është mundësi unike që unë t’ju bëj dy pyetje dhe t’ju kërkoj një favor. Unë duhet të të pyes diçka në emër të babait tim. Ai nuk jeton më,” ka thënë gazetari maqedon dje në konferencë për shtyp.

Really lovely moment after Jose Mourinho press conference. Macedonian journalist very upset he couldn’t ask a question as his late father idolised Jose. Mourinho heard about it and came back, answered it and promised him a photo which the man will put on his father’s memorial.

— Alasdair Gold (@AlasdairGold) September 23, 2020

“Një nga rastet kur ishte shumë i sëmurë më tha nëse kam ndonjë rast të të shoh, duhet të të kërkoj një fotografi me ty – pasi ai kishte respekt të madh për ju.

“Nëse më lejoni një fotografi me ju, unë do ta fus në kornizë dhe do ta vendos në vendin e tij të përjetshëm të prehjes. Nëse ndeshja shkon mirë për ju dhe ekipin tuaj, a do të më lejoni ta bëj?,” e pyeti gazetari.

Portugezi, para se të përgjigjej në dy pyetjet e lidhura me futbollin tha:

“Faleminderit shumë. Fotografia nuk kanë asnjë lidhje me rezultatin.

“Fotografia do të është e kryer, do ta bëjmë. Mund të na takoni para ndeshjes, ose ndoshta në hotel është më e lehtë. Nëse bëhet pas ndeshjes, pas ndeshjes. Nuk ka asnjë lidhje me rezultatin”.

“Kënaqësia ime do të jetë të bëj fotografi me ty. Është nder për mua që babai juaj kishte respekt kaq të madh për mua. Nuk e meritoj këtë,”.

Dhe tani Mourinho ka mbajtur fjalën duke realizuar fotografinë me gazetarin maqedon në hotel.

? Jose Mourinho and Igor Aleksandrovic ?#THFC ⚪️ #COYS pic.twitter.com/Oza5OpUM57

— Tottenham Hotspur (@SpursOfficial) September 24, 2020

Fotografia e realizuar është publikuar edhe në faqen zyrtare të Tottenhamit në Twitter.

Ky veprim nga Mourinho është pëlqyer shumë nga fansat e futbollit.

Ndryshe, ndeshja Shkëndija – Tottenham luhet sonte me fillim nga ora 20:00. /Reporteri.net/