Kombëtarja e Kosovës nesër zhvillon ndeshjen e dytë në UEFA Nations League si mysafir kundër Qipros.

Kapiteni Amir Rrahmani dhe trajneri Franco Foda u paraqiten në konferncë për media.

Rrahmani tha se se Kosovës vetëm fitorja nesër i kryen punë, shkruan Reporteri.net.

“Ndeshja e nesërme është e rëndësishme për ecurinë tonë për shkak që na jep shans dhe shpresa për kualifikim deri në fund. Çdo ndeshje është e rëndësishme dhe vetëm fitorja na kryen punë”, u shpreh Amir Rrahmani.

Kurse trajneri Foda tha se kanë analizuar ndeshjet e Qipros, dhe se është ekip i fortë.

“Kemi analizuar ndeshjet, edhe fitoren e fundit ndaj Lituanisë, është një ekip i fortë. Ka lojtarë të mirë dhe të fortë, do të shohim se çka do sjellë ndeshja“, tha Foda.

Kujtojmë që ndeshjen e parë, Kosova u mposht në shtëpi ndaj Rumanisë me rezultatin e thellë 0:3