Ka përfunduar ndeshja ‘e tensionuar’ mes Argjentinës dhe Meksikës, në kuadër të Kupës së Botës, “Qatar 2022”.

Derisa pati përpjekje nga të dy skuadrat, 60 minutat e parë të ndeshjes kaluan pa asnjë gol, shkruan Gazeta Online Reporteri.net.

Si një nga lojtarët më të mirë në botë, të gjithë sytë e fansave argjentinas ishin mbi Lionel Messin, i cili, megjithatë nuk i dëshpëroi.

Në minutën e 63’të, Messi shënoi gol të bukur nga distanca, duke e kaluar në epërsi skuadrën e Argjentinës.

Përpjekjet e Meksikës për ta barazuar rezultatin nuk ishin të suksesshme.

Kjo pasi në minutën e 87’të, Argjentina shënoi sërish.

Enzo Fernandez erdhi me një gol spektakolar, duke dyfishuar epërsinë ndaj Meksikës.

Ndeshja përfundoi me këtë rezultat, 2:0 në favor të skuadrës argjentinase.

Pas kësaj fitoreje, Argjentina ka 3 pikë dhe renditet në vendin e dytë brenda grupit.

Polonia është e para, me një pikë më tepër. Njëjtë edhe Arabia Saudite, që renditet e treta, ndërsa e fundit është Meksika, e cila tashmë ka humbur shpresat për kalim tutje nga faza e grupit. /Reporteri.net/.