Superliga e Kosovës në futboll sa vjen e bëhet më e nxehtë në këtë edicion.

Drita, Prishtina, Ballkani dhe Gjilani janë në luftë për t’u shpallur kampion.

Por, kryetrajneri i FC Prishtinës, Armend Dallku, mund ta thyej një rekord nëse shpallet këtë edicion kampion.

Dallku mund të bëhet trajneri më i ri (37 vjeç) që ka fituar titullin kampion në Superligën e Kosovës.

Këtë rekord aktualisht e mban Zekirja Ramadani i cili e ka fituar titullin me skuadrën mitrovicase, Trepça ’89, si 39 vjeçar në vitin 2017.

Interesant është fakti që tre trajnerë e kanë fituar titullin në moshën 39 vjecare, por dallimin e bëjnë vetëm ditët.

Gazetari i SuperSport, Arlind Sadiku, ka publikuar renditjen e trajnerëve më të ri të cilët e kanë fituar titullin.

Zekirija Ramadani – Trepça 89 – 2016/17 – 39 vjeç e 109 ditë.
Ismet Munishi – Llamkos Kosova – 2013/14 – 39 vjeç e 234 ditë.
Fadil Ademi – Hysi – 2010/11 – 39 vjeç e 258 ditë.