Arsenal ka shansin për të nënshkruar me portierin e Barcelonës, Neto.

Katalunasit duan të largojnë disa nga futbollistët kryesorë, në mënyrë që të shpëtojnë nga pagat e larta, transmeton lajmi.net.

Barcelona ka humbur shansin për të siguruar rinovimin e Lionel Messit shkaku i pagave të larta nga disa futbollistë.

Sidoqoftë, klubi dëshiron të largojë disa lojtarë në mënyrë që të regjistrojë transferimet e reja në La Liga.

Sipas Daily Express, “Topçinjtë” janë kontaktuar nga klubi spanjoll për shërbimet e Netos.

Neto thuhet se fiton rreth 4.5 milionë euro për sezon dhe Arsenal do provonte nëse ‘gardiani’ pranon zbritjen e pagës.

Ndërkohë, Barcelona mund të detyrohet të shesë brazilianin në javët e ardhshme.