Astrit Selmani e ka frymëzuar Hammarbyn drejt fitores 2:1 kundër Malmos, duke e shënuar golin e tri pikëve të rëndësishme për klubin e tij.

24-vjeçari u fut në lojë nga stoli në pjesën e dytë për ta shënuar golin e triumfit në Tele2 Arena në Stokholm, raporton Gazeta Express.

Selmani! Hammarby återtar ledningen

Lexo edhe:

Mbappe në dyshim për ndeshjen e Realit ndaj Al-Hilalit

Mësohet arsyeja se pse Ronaldo i lyen me ngjyrë të zezë thonjtë e këmbëve

Zhegrova mund ta pasurojë Lillen me 30 milionë euro

Se matchen på https://t.co/U8GJcAsMFu pic.twitter.com/xKUBzOtkwK

— discovery+ sport ?? (@dplus_sportSE) August 29, 2021

Selmani – i cili i ka shënuar katër gola dhe i ka dhënë pesë asiste në ligën elitare suedeze Allsvenskan këtë sezon – pritet të debutojë për Kosovën javën e ardhshme.

Ai mori ftesë nga Kombëtarja e Kosovës për ndeshjet kualifikuese për Kupën e Botës në fillim të shtatorit.

Ardhja e tij do të jetë e rëndësishme për trajnerin Bernard Challandes, pasi zvicerani e ka vetëm Vedat Muriqin në dispozicion nga qendërsulmuesit.

Selmani mund të luajë edhe si sulmues i djathtë dhe i majtë.

Kosova do të përballet me Gjeorgjinë më 2 shtator në udhëtim, para se të kthehet në Prishtinë për ta pritur Greqinë më 5 shtator dhe ish-kampionen e botës Spanjën tri ditë më vonë.

Kjo është hera e dytë që dardanët marrin pjesë në kualifikime për Kupën e Botës dhe sërish e kanë nisur keq, duke i humbur të dy përballjet e para, kundër Spanjës dhe kundër Suedisë.

Skuadra e Bernard Challandes duhet t’i fitojë të paktën dy prej tri ndeshjeve të shtatorit për ta mbajtur gjallë ëndrrën e kualifikimit historik.