Diego Simeone ka publikuar listën e lojtarëve që do të udhëtojnë për në Torino për ndeshjen kthyese në kuadër të Champions League që Atletico Madrid e Zhvillon kundër Juventus.

Ajo çka bie në sy janë mungesat e mëdha që Atletico do t’i ketë kundër kampionëve të Italisë. Diego Costa, Lucas Hernandez, Filipe Luiz e Thomas janë lojtarët që janë lënë jashtë listës për shkak të dëmtimeve.

Skuadra e Simeones ka një avantazh të madh kundër “Zonjës së Vjetër” të cilët i ka mposhtur 2:0 në ndeshjën e parë që u zhvillua në “Wanda Metropolitano”.

Juventus dhe Atletico Madrid takohen të martën me fillim nga ora 21:00 në Allianz Stadium, ndeshje kjo në të cilën Bjorn Kuipers pritet ta ndajë drejtësinë.