Ballkani ka fituar me rezultat 2-1 kundër Drenicës në ndeshjen e cila u zhvillua në Bajram Aliu dhe i takonte xhiros së 14-të në Superligë

Skuadra e Ismet Munishit ishte dukshëm më e mirë dhe fitoi me plotë meritë këtë përballje, shkruan Reporteri.net

Të dy golat e Ballkanit u shënuan në pjesën e parë.

Ermal Krasniqi shënoi në minutën e 3′, ndërkaq Mirlind Daku realizoi një gol spektakolar në minutën e 29′ për rezultatin 2-0.

Drenica në fund të ndeshjes ngushtoi epërsinë me anë të Azem Bejtës që realizoi në minutën e 89′.

Me këtë fitore Ballkani vazhdon të jetë lider i Superligës tani me 32 pikë, pesë më shumë se Drita që ka 27, por Intelektualët kanë një ndeshje më pakt ë zhvilluar. /Reporteri.net/