Sulmuesi polak, Robert Lewandowski raportohet të ketë arritur marrëveshje verbale me Barcelonën, transmeton Reporteri.net.

E famshmja italiane, “Sport Italia”, raporton se sulmuesi i Bayern ka gjetur marrëveshjen me drejtuesit e klubit spanjoll dhe ajo që mbetët është nëse klubi gjerman, Bayern Munich do ta lëshojë lojtarin në afatin e verës.

Lajmet kanë ardhur edhe nga Spanja, ndër to gazeta spanjolle “Sport” ka raportuar se Barça është e gatshme të paguajë deri në 60 milionë funte për Lewandowki, i cili thuhet gjithashtu se e dëshiron transferimin në “Camp Nou”.

Robert Lewandowski ka kontratë të vlefshme me kampionin gjerman deri më 30 qershor 2023, por drejtuesit e klubit gjerman mund ta lejojnë atë të bashkohet me Barçën pasi nuk duan që lojtari të largohet me kosto zero.