Ka përfunduar ndeshja në mes Barcelonës dhe PSG që u luajt në ‘Camp Nou’. Ishin mysafirët që korrën një fitore me rezultat të lartë 4-1.

Në ndeshjen që u zhvillua në kuadër të Ligës së Kampionëve, ai që shkëlqeu ishte Mbappe, që shënoi tre gola.

Por, rezultati u zhbllokua në minutën e 28-të kur Lionel Mesi shënoi nga pika e bardhë, penallti të cilën e fitoi De Jong e që u konfirmua edhe nga ana e VAR-it, shkruan Reporteri.net.

Kundërpërgjigja e PSG erdhi katër minuta më vonë. Në të 32-tën, ylli francez i PSG-së, Mbappe, e dërgoi pa problem topin në portën e Ter Stegen duke barazuar rezultatin.

Ishte sërish Kylian Mbappe ai që e ka dërguar topin në rrjetë për mysafirët, duke i kaluar në epërsi.

Ndërkaq golin e tretë për mysafirët nga Parisi e shënoi Moise Kean në minutën e 70-të.

Moise Kean scores at the Camp Nou, a few months after being loaned out by Everton.

A reminder – don’t write young players off after one bad spell. pic.twitter.com/z6isTtKHju

— El_amin_C_A_T (@El_amin_CAT) February 16, 2021

E Mbappe e kompletoi het-trikun në minutën e 85.

HATTRICK @KMbappe ??? pic.twitter.com/FRMLPWE6Nb

— mbappegoals (@mbappegoals_) February 16, 2021

Me këtë fitore të madhe, PSG tashmë është me një këmbë në çerekfinale.