Tahir Batatina ka dhënë një mesazh të fortë para ndeshjes që Llapi do ta luajë me Gjilanin këtë fundjavë

Llapi e pret në shtëpi Gjilanin në ndeshjen e cila do të jetë e vlefshme për xhiron e 22-të në Superligën e Kosovës në futboll, shkruan Reporteri.net

Para këtij takimi një mesazh të fortë e ka thënë trajneri i Llapit, Tahir Batatina, ku thotë se skuadra e tij nuk është dorëzuar akoma.

Ky është postimi i plotë:

Nëse dikush mendon apo paragjykon se Llapi dhe Batatina janë dorëzuar atëherë gabon shumë.

Nuk dorëzohem deri në sekondën e fundit sepse kështu jam i lindur dhe kështu do të vdes.
Llapi nuk e ka traditë dorëzimin andaj traditën do ta vazhdoj çdo herë.

Të dielën zhvillojmë ndeshjen ndaj Gjilanit andaj dua mbështetje që t’i tregojmë një Kosove dhe tërë Ballkanit se ku ndodhet foleja e futbollit dhe shikueshmëria më e madhe në vendin tonë.

Shikueshmërinë dhe numrin më të madh të tifozerisë e kanë dëshmuar me vite “Legjendat” nga të cilët dua organizim të nivelit të lartë.

Nuk dorëzohet asnjëherë foleja e Zahir Pajazitit dhe Fadil Vokrrit”, shkruan Batatina në Facebook. /Reporteri.net/