Ylli i Liverpoolit, Dominik Szoboszlai e gjeti veten viktimë të një shakaje televizive kur u mashtrua duke besuar se po zbulohej një statujë e tij dhe ajo u duk e tmerrshme dhe aspak si ai.

Mesfushori hungarez po regjistrohej fshehurazi teksa u zbulua statuja dhe ai nuk mund ta fshihte reagimin e tij të neveritshëm ndaj statujës së përfunduar.

Statuja, e cila ishte bërë pjesërisht nga telefonat celularë, nuk dukej aspak si Szoboszlai, por atij iu tha se supozohej të përfaqësonte komunikimin.

Ai ishte qartazi i pa impresionuar me statujën dhe madje tha se nuk i ngjante aspak atij pasi iu kërkua të pozonte pranë saj për një foto.

Menjëherë pas kësaj, ai u shpreh i zhgënjyer me dizajnin dhe kur u pyet nëse i pëlqente, ai tha: “Jo. Isha shumë afër largimit. Nuk e bëra vetëm sepse të respektoj”.

i’m crying szoboslai is such a diva he can’t even pretend to like it😭😭 pic.twitter.com/qtycuFYWfj

— ౨ৎ (@ibouu38) April 4, 2025

Gjërat vetëm u përkeqësuan kur ai pa disa mallra të gatshme për shitje me fytyrën e statujës, ose imitimin e saj të fytyrës së tij të suvatuar mbi të.

“Kjo nuk më ngjan fare me mua, më falni, aspak. Nga qafa e poshtë, është mirë. Vetëm pjesa e kokës”, dhe kur i përshkruante statujën dikujt në telefon, ai pohoi: “Duket sikurse by*** im është kthyer mbrapsht”.

Për fat të mirë, ai pa anën qesharake kur u zbulua se gjithçka ishte një shaka dhe u pa duke qeshur. /Telegrafi/