Dikur thonim se jemi Brazil i Ballkanit dhe nuk humbisnim për më shumë se dy vite

Por, tani është vetë një futbollist i Kosovës që thotë se ne nuk jemi si Brazili, shkruan Reporteri.net

Valon Berisha ka reaguar pak ashpër pas humbjes 1-0 nga Sllovenia në Fadil Vokrri.

Kosova ka humbur në 6 nga 7 ndeshjet e fundit dhe Berisha ka thënë se skuadra po mundohet të bëjë gjithçka për të fituar, por nuk po mundet.

“Besoj se deri në 16 metërsh kemi lu mirë, kemi krijuar raste, por në zonë s’ka qenë askush që të japë gol. Kur je në 16-metërsh duhet me çky topin,” ka thënë Berisha.

“Ne e dimë vlerën e Vedatit, ai është shumë i rëndësishëm në ekipin tonë. Por besoj se kemi lojtar tjerë, në zonë kur të jeni duhet të jeni më prezent. Në 16 metërsh nuk kishim shumë prezencë.Kemi luftu që me fitu ndeshjen, por për momentin nuk po kemi fat.

“Na jemi Kosovë, nuk jemi Brazil. A po mendoni se nuk kemi dëshirë ne të fitojmë, po provojmë të çkyhemi në fushë për me fitu lojën, por nuk po mundemi,”. /Reporteri.net/