“Tour de France” do të fillojë më 29 gusht dhe do të përfundojë në 20 shtator, pasi gara u shty shkaku i shpërthimit të COVID-19.

Kjo ngjarje vlerësohet si gara më e madhe e çiklizmit që përfshinë 22 ekipe që përfaqësojnë 14 vende, duke u zhvilluar para miliona tifozëve në rrugë.

Fillimisht, ky turne ka pasur të zhvillohet nga 27 qershori deri më 19 korrik, por vendimi i presidentit të Francës, Emmanuel Macron për të zgjatur ndalimin për tubime të mëdha, ka sjellë shtyrjen e tij.

Gara e cila vitin e kaluar u fitua nga Egan Bernal, do të vazhdojë rrugën origjinale tre javore nga Nice për në Paris përgjatë 23 ditëve.