Tabloidi britanik The Sun shkruan në të përditshmen e saj se mbrojtësin Harry Maguire e kanë arrestuar në ishullin grek Mikonos, policët e specializuar për krimin e organizuar dhe antikorrupsion.

Sipas medias prestigjioze, detektivët ndodheshin në ishull për të monitoruar tregtinë e drogës.

Ata e kanë zënë yllin e Unitedit në befasi, pasi ishin të veshur si civilë dhe jo me uniformë policie, e sipas një burimi, mbrojtësi më i shtrenjtë në histori u frikësua jo pak nga reagimi i tyre.

Sakaq, Maguire u akuzua nga një gjykatë greke për ryshfet dhe korrupsion, si edhe për sulmin ndaj një polici.

Ai u dënua me 21 muaj e 10 ditë burg, një dënim ky që është lënë pezull. Ai u kthye në kryefjalën e mediave ndërkombëtare ditët e fundit, pasi sajoi një histori sikur motrës së tij, Daisy, i kanë injektuar drogë në pije dy shqiptarë.

Megjithatë këto pretendime rezultuan të pavërteta nga gjykata greke dhe analistë të shumtë e kanë akuzuar mbrojtësin anglez si një mashtrues shumë të madh.