Disa pamje të publikuara nga tifozët ku shihen Cristiano Ronaldo dhe Erik ten Hag duke bërë një bisedë që thuhet se ishte e tensionuar, kanë filluar të qarkullojnë në rrjetet sociale.

E ardhmja e sulmuesit portugez është ende e paqartë. Ai besohet se e ka kërkuar largimin nga Manchester United, teksa të dielën u paraqit në miqësoren me Rayo Vallecanon.

Ronaldo luajti vetëm pjesën e parë në këtë ndeshje, teksa pas zëvendësimit u pa duke u larguar krejtësisht nga stadiumi “Old Trafford”.

https://twitter.com/RealQuaresma/status/1553799244913545216?

Megjithatë, një moment i ndodhur në pjesën e parë ka marrë tashmë vëmendjen e të gjithëve. Derisa po zhvillohej minuta e 33-të, të dyja skuadrat shkuan për një pushim një minutësh për t’u freskuar.

Trajneri i Manchester United, Erik ten Hag, u pa duke u përpjekur t’i jepte sulmuesit disa këshilla taktike. Por, duke gjykuar nga pamjet e publikuara, Ronaldo u përgjigj vetëm me lëvizje krahësh – teksa mediumi britanik “Express” shkruan se ai është parë duke rrotulluar edhe sytë gjatë ndërveprimit të tensionuar.

Kjo sjellje e 37-vjeçarit me trajnerin e ri të skuadrës vlerësohet se ka forcuar edhe më shumë dëshirën e lojtarit për t’u larguar.

والحين 😊 pic.twitter.com/5NEodb0pg8

— 𝕐 A 𝔸 🇦🇪 (@smily_ad) July 31, 2022

Ndryshe, pesë herë fituesit i “Topit të Artë” me Manchester Unitedin ka kontratë të vlefshme deri më 30 qershor 2023, teksa ekziston opsioni për të vazhduar edhe për një tjetër vit.

Agjenti i Ronaldos, Jorge Mendes, thuhet se është duke punuar që sa më shpejt t’i gjej një skuadër të re Ronaldos./express