Memphis Depay është i vendosur për t’iu bashkuar Barcelonës gjatë afatit kalimtar të janarit.
Sulmuesi holandez ishte i lidhur me një kalim të mundshëm në Camp Nou edhe verës, por në fund dështuan negociatat mes dy klubeve.
Barcelona kishte tentuar me disa oferta për ta bindur Lyonin, por nuk arritën ta bindin klubin francez.
Depay është futur në vitin e fundit të kontratës me klubin francez dhe nuk ka pranuar rinovimin e saj.
Holandezi është gati të bëjë sakrifica të mëdha vetëm e vetëm që të bashkohet me Barcelonën në janar.
Bein Sports ka raportuar se Depay është i vetëdijshëm që në rast se nuk bashkohet me Barcelonën në janar, atëherë ai nuk do të ketë kurrë më një mundësi të tillë për tu transferuar në Camp Nou.
Arsyeja është e thjeshtë, pasi Depay e kupton që Ronald Koeman nuk e ka të sigurt vendin e punës te Barça edhe për vitin tjetër.
Gjithnjë sipas këtij mediumi, ‘tulipani’ është gati të bëjë edhe një zbritje në pagën e tij vjetore vetëm e vetëm që t’i bashkohet Barcelonës.
26-vjeçari i ka bërë të qartë klubit të tij aktual Lyon se ata duhet të pranojnë vetëm ofertën e kataluansve.
Gjithsesi lojtari ka oferta edhe nga Serie A, ku klubet si Roma, Milan e Juventus e duan atë, por dëshira e tij e vetme është Barcelona.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.